我諗好多人都會同我一樣咩都唔識既情況下周圍問結左婚既朋友，收到唔少既建議同資料，仲叫我地一生人影一次婚紗相慢慢搵唔好心急。跟住我地上網搵左好多攝影師IG、FB、去婚紗展睇大公司，亦都約過其他攝影師見面睇作品。

「喂，仲咩唔幫襯大公司有保障d。」「咁快做好決定」「係邊搵返黎架？」「IG信唔信得過？」呢d類似既說話身邊既朋友都會講。

但係我個人覺得氣氛係好緊要，因為MAX IG既訓身影相、親身咁做一次既教擺POSE吸引住左，所以見完面之後好快就決定搵麥斯光流MAX幫我地影PRE WEDDING同BID DAY。到落訂過完數個下我都覺得自己好大膽，頭頂先突然叮左下，錢就比左單又無張 走左佬咁點算。我真係無諗咁多，只係諗影岀黎既效果。

我地揀左影STUDIO同OUTDOOR，因為貓奴既重要日子當然要有主子分啦，兩日既日子決定好之後我呢個麻煩友就黎啦！淨係諗去邊影都午時花六時變一時又咁一時又咁，仲未試婚紗前地方已經不停變，到試完婚紗地方又要再改，我比較貪心想影盡d，個行程搞到改完又改，但係MAX超有耐性招呼我同埋比左唔少既建議細節加入去影相。佢真係會怕我地影完8個鐘攰叫我地諗清諗先好加鐘。(我地連揀對皮鞋咩色都要麻煩到MAX) 真係唔好意思。

去到影相嗰日，之前睇人地d相望落去好似好簡單咁。宜家到我地做主角對住鏡頭成個人硬哂呔，笑都笑到好夾硬咁，有MAX講野引我地自然笑返岀黎，佢真係好專業同細心咁教我地擺POSE眼應該望邊度。

至於發起不合作運動既主子非常難捕捉，STUDIO短短幾個鐘辛苦哂，亦都辛苦化妝師LING都要幫手引主子望鏡頭。

影完相就鬆左口氣，係有少少可惜無得睇max訓身示範😆(應該好多人都想見)

收到相揀完就等執相個段時間，我地兩個小口子已經忍唔住偷偷地CAP圖用黎做頭像，實在影得太靚把持唔住！衷心多謝同感激MAX答應我既要求！MAX勁好人！❤️

MAX，我地BIG DAY 再見，再次期待！🫰🏻

係IG見到Max啲相已經超鍾意！最後影出黎的效果都冇令我地失望！Max真的好professional, 影相前所有嘢都有問即答，影相當日的流程十分順暢，好清晰咁指示我地擺出唔同pose! 相機一上手就影到想要的角度，極之efficient, 所以短時間內就影多好多唔同形式嘅相！超快收相！基本上唔洗點執就可以直接post! Retouch 完的相更amazing! 睇得出佢執得好仔細！整個過程溝通十分暢順！絕對值得推介👍🏻

謝謝Max當天的幫忙，拍攝當天十分順利，他很主動詢問新人想拍攝的風格，知道我們不會擺pose，也很樂意指導新人各種動作，拍攝完很快大概十日左右就收到相，非常快手，執相方面也很按足要求處理，敬業！

終於揀完相了，d相太靚，好難取捨🤣🤣

我地影完pre wedding無耐，好快就收到 Max哥既相，真係好有效率，我想講 睇返d相，真係覺得好靚啊😭😭😭😭😭我地首先真係好多謝Max幫我地影pre wedding，我地其實唔係做左好多research，乜都唔識，但見到Max既作品影得好自然，好真實，好靚，我地就決定搵「麥斯光流」影喇🙈 我地距離big day只係得幾個月，勁擔心趕唔切，搵到Max幫到我地放心曬。

影相前，Max比左好多造型，婚紗建議。到影相當天，我地都係唔係好識扮pose既人🤣，但Max不停教我地擺Pose，用好生動好有趣既言語同方法來教我地擺唔同、靚，甚至有性格既pose，依家諗返起，成隊Crew 真係好專業，最重要既係Max好有耐性，擺得唔好會教到我地擺得好為止，影到最完美為止，pose唔生硬，好自然，睇返d相，真係好出色。

第二樣出色既就係影相流程安排，成個流程都好流暢，8小時影相時間，完美地充分利用曬。我地想影舊香港感覺，想去電車同渡海小輪到影，剛巧撞正香港疫情最嚴重時期，其實我地都好擔心會影唔到，但max同團隊好好，帶我地上電車搭小輪，過海影30-40年代感覺，之後我地又即興想去影霓虹燈街景，Max同團隊立刻做research幫我地搵邊到有得影，之後就帶左我地去影😭😭即興安排都配合到我地，真係好多謝Max😭😭

我地用左一段時間先揀到相，因為好多相都影得好靚，好有感覺，實在太難揀了，太難取捨🤣🤣🤣睇返d相，Max好善於拎角度同取景，燈光都拎得好好，我地膚色唔白，但影到我地一d都唔黑，影到我地好自然，教既動作影出黎一d都唔生硬，仲有d似model 🙈🙈🙈第一次覺得自己似女神男神🤣🤣🤣🤣

有d相影到好感動，好有故事的感覺，甚至好似電影劇照🙈🙈而且我覺得max拍攝到我地最自然最真實一面，甚至有幾張我覺得流露埋我地既性格出黎🙈🙈唔知點講 係有種生命力同故事性係到🤣🤣🤣🤣我地係第一次係人街道，咁多人既小輪碼頭同電車環境裡，旁若無人咁影相 因為有你地，所以我地影得好安心。

我已經推薦左身邊既朋友，如果影pre wedding,一定要搵「麥斯光流」，我媽媽審美要求好高，但佢都話d相影得好靚🙈🙈我諗我地10年後睇返d相都會覺得好感動，好回味，多謝Max帶我地時光倒流穿越舊時既香港，留低一份美好珍貴既回憶。

之後就係要多謝化妝師Mabel，好幸運搵到你做prewedding MUA，影相前，你已經比左好多關於服裝既建議我地，又幫我地search埋資料，真係好好😭

你幫我化既妝好完美地隱藏我既缺點，突顯我既優點🤣🤣🤣

本身自己膚色比較黑同前一晚訓得太少黑眼圈好深，勁擔心影出黎個樣會極殘，但你幫我化既妝令我望落好精神，影出黎d相對眼都好有神，真係好感謝你，我人生第一次痴雙眼皮膠紙，假眼睫毛同眼影，你幫我化妝前我一直都驚會唔會太濃太誇張呢，但你同我講唔會會岩岩好，呢句話令我好安心，而影出黎既相亦都真係岩岩好，唔濃，個妝都好靚好貼服，冇諗過原來啡色tone既眼影都幾適合自己🙈🙈🙈有種新突破的感覺🤣

髮型同髮飾真係好靚，特別係半扎公主頭，對上一次扎呢類型既頭已經5-6年前，本身擔心會唔會已經唔岩自己年紀好似扮後生咁🤣🤣🤣🤣但影出黎覺得個髮型同髮飾好襯自己🙈🙈🙈🙈好欣賞你咁有心思幫我整髮型同幫我挑選左非常合襯耳環同婚紗既髮飾，第一次覺得自己靚😂😂😂好開心

影相時候，都好感謝Mabel 你幫我地打氣同鼓勵我地，多謝你體貼咁幫我地整理好多細節位，頭髮，服飾，同補妝，個日即使相處時間唔係好長，但唔知點解有你係我身邊覺得好安心，好有安全感🙈🙈🙈辛苦你個日好快手咁幫我換妝換衫，又同我一齊趕返去旗袍店還旗袍同比糖我地食🥺🥺

真係好感激你，令我變靚，令我事前既擔心全部冇曬🙆🏻‍♀️🙆🏻‍♀️🙆🏻‍♀️更加多謝你幫我地影左好多花絮啊，好有紀念價值。

最後，請Max哥幫我地大力感謝燈光師阿樹，辛苦曬阿樹當日全日幫我地咁用手打燈。辛苦曬佢了🙇🏻‍♀️🙇🏻‍♀️🙇🏻‍♀️睇返d相，你同阿樹既合作，幫我地打燈打得好好，完全解決左我好擔心既膚色黑問題😭😭😭阿樹真係最強燈光師！ 同埋都好多謝阿樹個日細心咁幫我地整理細節，例如裙尾，Ronald既襯衫，同幫我地拎袋，搬gip 辛苦曬阿樹了，感謝他🙇🏻‍♀️🙇🏻‍♀️🙇🏻‍♀️🙇🏻‍♀️

最後最後請幫我多謝埋Raymond，多謝佢呢位司機令我地個日行程咁順利咁流暢🙇🏻‍♀️🙇🏻‍♀️同埋多謝佢架五臟俱全既車子🚗，冇諗過可以收埋一個咁大既帳篷同凳！真係好厲害🤣🤣🤣🤣同埋好方便我地去換衫同係街到轉妝轉頭🙈🙈🙈多謝Raymond🙆🏻‍♀️🙆🏻‍♀️🙆🏻‍♀️

好多謝係咁艱難既時刻遇到你地，疫情下搞婚禮有好多野諗，有好多野擔心，但覺得地遇到你地團隊，有你地幫我地影pre wedding已經幫我地有個好開始，令我地有信心完成埋之後既任務🤣🤣🤣

多謝你地令我地係香港留低一份咁美好珍貴既回憶。疫情艱難，你地要撐住啊，好好保重身體，平平安安，生意興隆！加油！有緣再見🙆🏻‍♀️🙆🏻‍♀️

首先好多謝Max幫我地影Pre Wedding，之前因為天氣預測關係，影響了心情，日日message問點算，Max不但即時回覆訊息，亦好有耐性地叫我等多兩日....😝到影相當日天氣好好，全日影相影得好開心❤️另外，佢亦超級好人，明明時間緊迫，最後都願意花時間俾我喺永利街影相，又同我男朋友影咗衣輯chok 到冇朋友嘅靚仔相（佢超級鍾意）完全盡力滿足晒我地既要求，又願意花時間教我地點樣做，不斷叫我地靚仔靚女，我哋都即刻自信左，好感謝您🥰🙏🏻📸Max大師，到時Big Day再見，期待你再教我們擺靚pose🙈

非常感謝影Prewedding 遇到Max

整個拍攝過程非常順利，感謝Max好風趣幽默又有耐心教我地動作同互動，睇返啲相非常自然 影完相之後揀相同執相都好有交代，感謝你的用心Highly recommend!!!

Max is excellent and professional. He has done a great job for us and I would highly recommend to all couples who look forward to getting fabulous pre wedding photo service. The prompt delivery of high quality photos from Max is exemplary. ❤️

Max真係好有心，會追求完美，希望影到我地最好。執相勁有效率，真係好感謝Max幫忙。

Max專業！作品風格獨特，有溫度，用心👍謝謝你幫我用照片留著美好的時刻！

靚靚化妝師Mable好細心，化妝技巧好好，將我變靚D👰‍♀️

大家揀Max係明智的選擇！👍

力推💪🏻

多謝哂Max幫我地影Prewedding 😍 擅長捕捉角度，教擺姿勢勁有心機。一切都十分配合，勁用心拍攝，我地拍攝過程都有講有笑，令本身緊張既我地都玩得好開心呀😂😂😂美女化妝師Mabel 都好專業，化得好好，仲一直幫我地隨拍🤣

期待你地再幫我地Big Day 😬🖖🖖🖖

Max,

果日雖然只是拍左短短個幾鐘的pre wedding, 但可以將一個小小的場地，各個小角落的佈景和構圖，發揮得淋漓盡致！haha，有點失落係睇不到Max親身示範動作！

Max合作的化妝師_Ling from fimakeup 好pro, 出黎個妝容同髮型 我好滿意！如果早啲遇到佢地兩個，我一定會揀佢地做big day vendors!!!!

Thanks Max and Ling!!!

My Big day is finished and now it comes to another stage.

Wish you all have a fruitful New Year!

感謝Max ，全部嘅相令我哋都好驚喜，最重要係你令我哋呢對唔識擺pose嘅新人都有咁靚嘅相出嚟，亦帶動到我哋嘅情緒，令我哋影得好開心好自然！

就嚟我哋的big day😍期待你再畀我哋驚喜，等你靚相💪🏻

Photographer Max and his team perform an excellent work with a very professional way! Though the weather is quite bad - rainy and windy, they still do their very best job and the outcome is really really stunning and amazing. Thank a lot Max and team 😬😬

影左相咁耐都未多謝你🙇🏻‍♀️好快就有相睇又好快就已經執完相😍😍一開頭我同男朋友都好生硬對住鏡頭尷尷尬尬唔知點咁😨 好彩你影pw嗰日咁落力咁有耐性咁教我哋擺pose! 雖然好女人味嗰d pose我太麻甩都係handle唔到,不過你教d pose影出黎比真人瘦呀😍好多相都好靚同好自然!😍😍 雖然已經有油畫都忍唔住再揾你整多一幅😍😍 裝修完要掛係牀頭!!😍😍😍 揾到你影相真係太好🙇🏻‍♀️真係好多謝你🥳🥳🥳

Max was excellent from start to finish in dealing with our pre-wedding photo shoot. He is a true professional and we are truly blessed to have such amazing pre-wedding photos. Every moment captured will be cherished forever. Once again thank you so much for the beautiful photos ! 🙂

真係超鐘意max既作品，影得好靚！好Sweet！個日個天氣超級熱係石澳影，我先生頂唔順有D中暑，Max超級細心係咁照顧佢😂 我即將big day都搵返Max影，因為真係太鐘意佢既相。會教我地擺pose😋風趣幽默🥰十分推薦！

Max好細心，又有耐性，效率又高👍🏻👍🏻👍🏻

仲會細心教你擺pose, 唔駛驚尷尷尬尬唔知做咩好🤣👍🏻

推薦👍🏻👍🏻👍🏻

多謝max當日幫我地影到咁多靚相，到入黑落大雨，但max都叫我地等多陣，冇話因落雨stop左呢一日行程，佢嘅團隊都有雨傘提供，仲有，當日真係好熱，熱到唔識笑，但佢地都keep住令我地保持笑容，好帶動到我地去繼續堅持，post王果然唔係浪得虛明💪🏻💪🏻

我地上網睇左幾間之後，好快就決定左搵Max幫我地影相啦！由一開始問拍攝詳情、到影相、比相，執相全部好爽手，過程好開心。Max 都好耐心咁解答我地既問題，最緊要有model 式示範！👍👍👍不二之選！

攝影哥哥很專業陪我地上山下海，仲要我地唔識擺 poses ，佢好有耐性教我地，值得推薦，多謝 Max😁😁😁🙏🙏🙏重點影得我地好靚😍😍😇👍